PTOLEMAEUS II

PTOLEMAEUS II.

cognomine Philadelphus, Lagi Ptolemaei filius iunior, successit patri in regno Aegypti, Annô Mundi, ut quidam volunt, 3680. ante Christum natum 282. Hic Stratonis discipulus doctissimus suit: Bibliothecam insignem per Demetrium Phalereum paravit Alexandriae, quae usque ad Alexandrinorum et Romanorum bellum duravit: Iudaeos, qui in aegypto erant, liberos permisit, vasa Eleazaro, summo sacerdoti Hierosolymorum. votiva transmisit, et divinas scripturas in graecam linguam per septuaginta interpretes verti curavit. Huius Frater, maior natu, qui Seleucum vitâ regnôque Macedoniae privaverat, amicitiam pacemque ac concordiam per epistolas deprecatur, professus deponere se offensam erepti paterni regni, neque amplius a fratre quaesiturum, quod honestius a paterno hoste recepisset. Eutrop. l. 2. Iustin. l. 17. D. Epiph. in lib, de pond. et mensuris: Ioseph. Iud. Ant. l. 22. c. 2. Titus Liv. Decad. 5. l. 4. et 5. Dictus est Rex Philadelphus, per antiphrasin, eo quod fratres suos vel e medio sustulerit, vel regnô pepulerit, quo thronô solus potiretur. Vide supra: Coronatus patre adhuc vivente. Obiit, foedere priûs cum Romanis initô, secundum aliam a superiori Chronologiam, A. M. 3807. Regnavit autem ann. 38. relictô Ptolemaeô III. Euergete. Coeterum is postremo sororem duxerat Arsinoem, antea Lysimacho et Ptolemaeo Cerauno nuptam. Quam quantopere amaverit, argumento est, quod Deorum cultu eam cupiverit honoari. Plin. l. 34. c. 14. Eôdem lapide (magnete) Dinocrates Architectus Alexandriae Arsinoes templum concaemerare inchoaverat, ut in eo simulachum eius in ferro pendere in aere videretur. Intercessit mors et ipsius et Ptolemaei; qui id sorori suae iusserat fieri. Ausonius tamen ita rem narrat, quasi eo rem perduxerit, quo volebat. Sic enim is Idyll. 10. v. 311.

Conditor hic forsan fuerit Ptolemaidos aulae

Dinochares: quadrô cubi in fastigia conô

Surgit. et ipsa suas consumit Pyamis umbras,

Iussus ob incesti qui quondam foedus amoris.

Arsinoen Pharii, suspendit in aere templi.

Vide quoque Augustin. de Civ. Dei l. 21. c. 6. Quia vero Ptelemaei, dicti sunt Reges omnes Aegypti, ut monitum, post Alexandri tempora, sicut Pharaones antiquitus, inde ptolomare, pro regnare et more Ptolemaeorum imperare, in Tabulario Sanct. Severini Burdigal. apud Car. du Fresne in Glossar. Annô millesimô —— Indictione 8. gregorii VII. —— Goscelinô Praesule Burdegalensi archiepiscopante, Rege Philippô Francorum ptolomante, Aquitanorum Duce Wilhelmô, pacem et iustitiam docente, ego, etc.